هوسي بالهُوية
دقيقة قراءة
هوسي بالهُوية
بالحب
بالمعنى
هوسي بأني أكون أحسن واحد بالمكان
هوسي بأني أكون فت، حلو، وكول مان
اعترفات هزلية
إنسان القرن الواحد وعشرين
هوية
وشكل ولون
qui suis-je
يا الله
qui suis-je
مريض بمرض عصري
الجنون
مليون طريق وتخصص
أصفار أعداد لوغرتمية
لزم تمتلكها لحتى تصير
الكاكا الخنفاشرية
مقدرتش أحس بالانتماء لبلدي بالأغاني والتوباوية
حبيته بالكتّاب والفنانين
حسسوني بهوية
اسمها هوية الهون
الأرض
عمّان
مؤنس الرزاز
مش كل ما ألاقيني بضيع
كل ما امسكني بزحل مني
ورى عشرين حيط قزاز
qui suis-je
يا الله
qui suis-je
اضطراب الهوس
الاكستريم بكلشي
بالحياة
لحد الموت
بالحب
لحد التشوهات
بالأنا
لحد الشتات
وصرت بطريقة مائية
مشاريع
فنية
علمية
انتحارية
سوداوية
qui suis-je
يا الله
qui suis-je
لوحة سريالية
كنت أحكي لسيدي كم واحد محتاج يموت
لحتى نوصل للطوبوية
بسأل حالي مين أنا
بالفرنسي
qui suis-je
معقول هاض أنا
معقول أنا أنا
qui suis-je
معقول أكون احتمالات لانهائية
ومشغول بأكثر من قضية
بدور عمصاري
عشان لأهلي أرميها
بس هالدنيا ببالي تافهة
وما فيها
بفكر بالعيلة وبالدار
بفكر بكيف باس ايده
وشو صار
ك** المصاري
حطيتها بعصفور وما طار
شو بدو فيها وهو لابس جناحات
شتات يا الله شتات
عربي بلاقضية
إنسان عايش بلا هوية
هاي كلمات مرمية
مش راب وإنما تعذب بحنية
يا هيا يا هيا
يا أنا يا ولاحدا
أنا كلشي
وبس أموت مش هيضل شي
أنا أنا
حاسس فيي
بصير لأنسى
لأقسى
لأخلي دموعهم الي مش مرئية
لأني مش هقدر أحملها معي
لأني مش قادر أنسه وجهها المستسلم
ومش قادر أساعدها أختي هي
qui suis-je
يا الله
qui suis-je
أنا أنا بلمسني
وبلوعني وبتك فيي