كتابة الفوضى Drag

شو يعني الكتابة الفوضوية

أو Chaos Writing

هي شكل حديث من أشكال الكتابة

القاعدة الأساسية فيه أنه لا يمتلك قواعد

ولكن يمتلك تقنيات و أسلوب

شو الأسلوب هاد؟

جمل غير مكتملة و كأنها مقصوصة

كتابة عامودية

قافية متقطعة

إيقاع و هبوط و وقفات في الكلام

لغة هجينة

‏جرأة في الطرح

وفوضى كثير

شو الفكرة من هالأسلوب؟

الفكرة هي جعل مستخدمين منصات التواصل

الي صارت جزء من حياتنا و الي هتصير بيوم جزء أكبر بكثير يتعرضوا لأفكار و محتوى أصيل مش مجرد أفكار تافهة و مكررة

أيضاً

هو أسلوب بيقدر يتعلمه

و يمارسه أي شخص

مش شرط يكون خبير

ليعبر عن ذاته بصوته وكلماته

الخاصة

الي مش شرط تكون منمقة

و مرتبة كثير

كيف ممكن أصير أكتب بهاد الأسلوب؟

امسك ورقة وقلم

أو افتح الملاحظات على تلفونك

جرب اكتب كلمات و جمل

بشكل عامودي

حاول اخلق إيقاع واكسره

بعد كل جملتين

استخدم لغتك الخاصة

كون حقيقي بمشاعرك أهم شي

و لا تكون لغتك ركيكة كثير

ولا جامدة كثير

ارمي أفكار بالهوا بين الجُمل

مش شرط تكون مترابطة

هل هاد الأسلوب مفيد؟

أعتقد أنه مفيد

أنا بسميه العلاج بالكتابة

بدل ما تبلع مضادات اكتئاب جرب اكتب

ارمي أفكار

اعمل فوضى

اسحب الكاميرا بعيد

هتلاقي مظام فجأة

صرت فاهم شو الي بصير بعقلك

شو رؤيتك طيب؟

أعتقد أنه في السنوات الجاي

بس تصير منصات التواصل هي هويتك الفكرية و البصرية

هيصير هاد الأسلوب هو الأساس لتعبير البشر عن ذاتهم بطريقة أدبية وفنية

تخيل معي شخص

بعد عشرين سنة

بفتح كتاب

عنوانه: كُتيب الريلز

وبعرضه على صفحته ليعبر عن كل الفوضى الي براسه

باستخدم أسلوب الفوضى ذاته