حطيت راسي على المخدة
دقيقة قراءة

حطيت راسي على المخدة
عمري 23 أو 22
ناسي
جوا عقلي في شجرة مليانة فروع
مليون مليون فرع
وكل فرع بروح لمليون غضن
بش فش ولا فرع مفهوم
والشجرة كلها بلا لون
ما هو المعنى من الحياة ؟
السؤال الساذج الي بيقتلك بالبطيء
ناس بتموت وأنا بسأل عن معنى الحياة ؟
منيكة بحتة
أو يمكن منطقي
خذلان قومي ولاهوية وعبودية وظيفية
كمشة أسباب عرقية وجيوسياسية
خلت حدا زيي يسأل شو المعنى من أم الحياة؟
شو الهدف من كل الي بصير , ليش هيك العالم
بشع وساقط
بس بتعرف يصاحبي
ببلش اليوم وكلشي بيمشي بسرعة
شغل ومسؤوليات وبحث مستدام عن بكرا
بس بأخر اليوم في لحظة
بهجم عليك سؤال ... ليش ؟ عشان شو ؟
ما في إجابة ولضعفك بستنجد بالنوم .
رمز هذا النص
امسحه بكاميرا الهاتف لفتح النص.
https://crow.twinwin.online/ar/writings/writing-33
تنزيل الرمز