انفصاميات

اسمي معاذ

وهو الاشي الوحيد الي متأكد منه

أبوي سماني اسوى بالصحابي

معاذ ابن جبل

وأمي كان نفسها أطلع إمام جامع

بس شو طلعت؟

ولا شي.

كاتب

جامعي

حدا نفسه بشغلات كثير

صانع محتوى

بعمل إعلانات تافهة

مسخ

طنط أزعر

عربي مستعرب

مستغرب

مش قادر أحدد

اكتشفت أنه قسوتي

هي قشور ضعف

خوف

بعيش عالهامش

فبحاول أحس أني مهم

نفسي أعمل الي بحبه

وركز معي

ونفسي أعمل مصاري

وهدول صعبين

افتتاحية نبليون

بتلبسك كلسون

فبتوقف

وليش؟

لأنك بتشك بالي بتحبه

بعالم بيروقراطي

كلام كبير خيي هيدا

فشو بصير؟

بتعلق

بين بكرا هتصير مدير

و اليوم عيش بالقليل

وحاول شد حالك وانسى الي ببالك

عن أوهام الكاتب العظيم

المفصوم الحزين

وفش حركات سياسية

فش حركات

هون فش اشي

في بس بصمة

ومطاعم شاورما

حزب الشاورما القومي الاشتراكي

كان الفروض أحكي عن أزمة الهوية

ولقيت حالي بحكي عن الميونيز والشيوعية

بس فكر فيها

كلهم بصبوا بنفس القضية

أفكار عملوها أشخاص كانوا يدوروا على حالهم

لينين كانت ضايع

الشريف حسين

خالد حسانين

مين هاض

واحد عنا بالحارة انسى

الايدنتتي كرايسيز جماعة

الايدنتي وهمية