المصاري كل ولا شي

أنا مفتون جداً

بالظلام

بالسواد

والكائنات البشرية الكئيبة

المالنخولية و الساذجة جداً

الي بعاملو الحياة بجدية كثير

للحد

الي بفقدو فيه سلامهم الداخلي

[يا الله شو بتتفلسف هالمعاذ]

معاذ خايف

معرق

بعيش حياته وكأنه بلحقه كلب

بده يجيب مصاري ومش عارف كيف

[بس تعرف قلي]

وخليني أقلك خططتي

إذا فشلت أجيب مصاري

وعلأغلب هفشل لأني حدا

مش شايف أنه للحياة كلها الها معنى أصلاً

فبشو هتهمني المصاري

[احا]

خططتي أني أخلق فكرة

الفكرة بتعفنش بسرعة زي الجثة

بتروحش زي المصاري

[هسا لو أعطيك شك بألف ليرا هتغير رأيك]

والله يا ريت علي كم فتورة بدي أسكرها

بمزح معك

بس جد ما عندي هاد الهوس

الي عند أغلب الشباب

بأنه المصاري هي علاج كلشي

هي علاج كلشي ما عدا الروح

المصاري بتشتريلي دراجة أحلامي

بس بتشتريليش معنى

المصاري بتريح أهلي

بس بتريحنيش

وشو الي غير حالي!

غير هالوجود الركيك!