راديوهيد
1 min read

بحب الويبدة
بس مش وبداوي
بحب اتشل
بس ما بتشل
عندي هيك خلل
بأعصابي
بتركيز مستقبلات السيروتونين
ببروتين غابا عندي عالي
فش تيارات بالميمبرين
بحب الناس السليمة
بعوينها بشوف ناس عاشوا حياة طبيعية
بحب كيف كلشي قديم
بخليني أستعير ماضي
كيف الناس مبسوطة قدامي
الغيوم غزت الصيف
عمان لونها رمادي وكئيب
بحب كيف بكل مكان أنا دخيل
بحب راديوهيد
بس بنسى أعيش
مركز على أهدافي المستحيلة
بستمتع بالحلم
هيك وأنا نص صاحي
قبل دقائق من الدوام
بس أحلم بكلشي
مستحيل
بحب عمان
بحب البس الي بوكل كيس بقايا المقلوبة
على درج الخيام
بحب الهوا وراديو هيد
بحب أنسى
وأنام
This text's code
Scan it with a phone camera to open the text.
https://crow.twinwin.online/en/writings/writing-48
Download code