الحياة كلها أوهام

الحياة كلها أوهام

بصحى بروح على الشغل

بنام

المدينة بلا ألوان

وكأنه حدا راشش عليها تراب

من فوق

حدا بحاول يمحيها بمحاي

مش حاسس أنه في داعي أني أعيش

كل خلف موت

وهم الثروة, القوة, السلطة

أنا حدا معيش اشي

إلا أفكار وكلمات

عملت كلشي بيطلبه مني المجتمع

وكنت أحسن واحد فيه

وما وصلني كل هاد إلا لشعور واحد

علفاضي

كل اشي علفاضي

خرجونا بامساك شهدات

ليعبونا بلادة وأسلاك وبصمات

شو الحل؟

في مهرب مش حل

الجمال

مقاومة البلادة والبرود

بالفن والموسيقى

بالأدب والبكاء

تضحيات تضحيات

بس ليش؟ لضعفي بكتب

لأني مش قادر أهرب

معلق بوجودي ناس

بس بتجيك هاي الفكرة؟

لو معنديش حدا أخاف عليه

لتركت كلشي واستنيت بثلاجة

معقول أنا موهوم، أعمى ومش شايف

ولا جد المدينة بلا ألوان

بس مش لحالي حاسس هيك

في ناس بغرفهم المسكرة حاسين هيك

تحت الكنبايات

ريشة وتراب

قاعدين هناك

كنت بتمنى أكون هذاك

الي أمك بتمسحه كل عيد

بين السنة والسنة

أتحرك من كنباي لكنباي

بصمت وبدون وعي الوجود

بس أكون هناك

وبالمكنسة الكهربائية أعيش للأبد

محسش

مكونش مرئي

مخبى كولاشي

كولا حدا

كمادة بدون حياة

مهجور وتراب

أكون صوبة بيوم بارد

كيس اسود طاير بالسما

جكيت مبلول

قفص وعايش فيه عصفور